۸صبح، فاریاب: په فاریاب کې ځايي سرچینې وايي چې په دغه ولایت کې خُسر له خپل زوم څخه سر غوڅ کړی دی.
سرچینو پنجشنبه د چنګاښ پر ۲۱مه ۸صبح ورځپاڼې ته ویلي چې دا پېښه بیګاه شپه د فاریاب بلچراغ ولسوالۍ په «نیشر» کلي کې شوې ده.
د سرچینو په وینا، وژل شوی کس محمد نومېده او خُسر یې هغه مهال سر ترې غوڅ کړی چې له یو چا سره ویده و.
سرچینو زیاته کړې چې محمد د لرګیو پلور کاوه او له دوکانه د ساتنې په موخه د شپې هلته ویده کېده.
ورته مهال، په فاریاب کې د طالبانو امنیې قوماندانۍ له جنايي جرمونو سره د مبارزې مدیر محمداسمعایل فرقاني هم د دغې پېښې پخلی کړی دی.
نوموړي ویلي چې ۱۹ کلن محمد نومي تازه کوژده کړې وه او لا د پېښې لامل او انګېزه څرګنده نه ده.
هغه زیاته کړې چې طالب ځواکونو د دغه ځوان خُسر یې نیولی دی.
ویل کېږي چې محمد د کورنۍ ستونزو لامله د خپل خسر له خوا وژل شوی دی.
د یادونې ده چې د روان کال د چنګاښ پر ۴مه په دغه ولایت کې یو کس له خپل زوم څخه دواړه سترګې ویستلې وې.
