۸صبح، جوزجان: په جوزجان کې ځايي طالب چارواکي وايي چې د جوزجان – فاریاب پر لویه لار د ترافیکي پېښې په پاېله کې نهه کسان مړه شوي دي.
په جوزجان کې د ترافیکو مدیریت په یوې خبرپاڼې کې ویلي چې دا پېښه شنبه د زمري پر ۱۳مه د ماسپښين شاوخوا ۳:۰۰ بجې شوې ده.
نوموړي مدیریت ویلي چې پېښه د اندخوی ولسوالۍ پورې اړوند سیمه کې هغه مهال وشوه چې یو سراچه موټر له باروړونکي موټر سره وجنګېد.
په خبرپاڼه کې راغلي چې په پېښه کې درې کسان ټپیان او په مړو شویو کې درې ښځې هم دي.
د خبرپاڼې په حواله، په پېښه کې مړه شوي د قیصار ولسوالۍ اوسېدونکي و او مړي یې د اندخوی ولسوالۍ روغتون ته وړل شوي دي.
د پېښې لامل د چلوونکو بېاحتیاطي ګڼل شوې ده.
تېره اوونۍ د جوزجان – فاریاب پر لویه هم ترافیکي پېښه وشوه چې د یو ماشوم په ګډون درې کسان پکې مړه شوي وو.
