۸صبح، نیمروز: په نیمروز کې سیمهییزې سرچینې په دغه ولایت کې د ایراني پولهساتو او «ناپیژاندو وسلهوالو» ترمنځ د نښتې خبر ورکوي.
سرچینې ۸صبح ورځپاڼې ته منلې چې دا نښته شنبه د کب پر ۲۶مه د شپې شاوخوا ۱۰:۰۰ بجې د نیمروز ولایت په کنګ ولسوالۍ کې شوې ده.
ځايي اوسېدونکي وايي چې دا نښته د ساسولي په پوسته کې د ناپېژاندو وسلهوالو او ايراني پولهساتو ترمنځ شوې ده.
تر اوسه د دغې نښتې لامل نه دی روښانه.
ایراني او طالب چارواکو تراوسه په دې هکله څه نه دي ویلي.
کنګ د ايران پولې ته څېرمه د نيمروز ولسوالۍ ده او تر دې دمخه هم ايراني پولهساتو په دې سيمه کې د نشهيي توکو له قاچاق وړوونکو سره نښتې کړې وې.