۸صبح، کابل: د ایران د کورنیو چارو وزارت ویلي چې په تېرو درېیو کلونو کې شاوخوا درې میلیونه کډوال له دغه هېواده ایستل شوي دي.
د ایران د کورنیو چارو وزارت د کډوالو چارو رئیس، نادریار احمدي شنبه د مرغومې پر ۱۵مه، په اسلامي شورا کې ویلي چې په افغانستان کې د ناوړه شرایطو له کبله هغه کډوال چې ایستل شوي شوي وو، بېرته ایران ته دننه شوي دي.
هغه ټینګار کړی چې د ایران امنیتي ځواکونه د کډوالو د بیا ایستلو لپاره هڅه کوي.
د نوموړي په وینا، هغه افغان کډوال چې پخوا یې په ایران کې ژوند کړی، له ځینو امتیازاتو برخمن دي.
هغه په ايران کې افغان زدهکړیالانو ته په اشارې ویلي چې د دې فارغانو په منځ کې شاوخوا ٧٠٠ متخصص ډاکټران حضور لري.
د ده په وينا، دويمه کټګوري هغه کډوال دي چې په افغانستان کې د جګړهییزو شرايطو له امله ايران ته کډوال شوي دي.
احمدي ادعا کړې چې یو شمېر ایراني کارګرانو د کار له قانونه په سرغړونې کډوال پر دندو ګمارلي او هغوی نن ورځ ځانونه د «حقونو مالکان» بولي او له ایرانه وتلو ته حاضر نهدي.
یاد ایرانی چارواکی ټینګار کړی چې په اوس وخت کې هره ورځ شاوخوا له درېیو تر څلورو زرو افغانان ایران ته دننه کېږي.
د یادونې ده چې له ایرانه د د افغان کډوالو د جبري را اېستلو بهیر دوام لري او هره ورځ زرګونه کسان هېواد ته راستنېږي.
