۸صبح، بادغیس: سرچینې وايي چې د ایران په سراوان ولسوالۍ کې د دغه هېواد ځواکونو له خوا پر ډزو د یوه وژل شوي افغان جسد خپلې کورنۍ ته نه سپاري.
سرچینو پنجشنبه د مرغومې پر ۲۷مه ۸صبح ورځپاڼې ته ویلي چې شاوخوا دوه اوونۍ وړاندې یوه ډله افغانانو چې غوښتل یې ایران ته لاړ شي، د دغه هېواد پولهساتو پرې ډزې کړې دي.
د سرچینو په خبره، د دغو ډزو په پایله کې یو افغان چې د بادغیس اوسېدونکی و، وژل شوی دی.
سرچینو د نوموړي نوم عبدالولي ښودلی دی.
سرچینو زیاته کړې چې د نوموړي مړی د سیستان بلوجستان ولایت سراوان ولسوالۍ سړې خونې ته وړل شوی دی.
د سرچینو په وینا، له کابو درېیو اوونیو تېرېدو وروسته لاهم ایراني چارواکو د عبدالولي مړی خپلې کورنۍ ته سپارلی نه دی.
تر اوسه طالب او ایراني چارواکو په دې اړه رسمي څه ویلي نه دي.
د یادونې ده چې څو ورځې وړاندې سرچینو ۸صبح ورځپاڼې ته ویلي و چې په سراوان ولسوالۍ کې د ایراني پولهساتو په ډزو کې پنځه افغانان وژل شوي دي.
سرچینو ټينګار کړی و چې وژل شوي کسان د غور اوسېدونکي وو.
