۸صبح، کابل: پخواني ولسمشر حامد کرزي د کانکور پایلو اعلان ته په غبرګون کې ویلي چې هیله لري ژر تر ژره د نجونو پر مخ هم د ښوونځيو او پوهنتونونو دروازې پرانېستل شي څو هغوی هم خپلو زدهکړو ته دوام ورکړي.
کرزي پنجشنبه د چنګاښ پر ۱۸مه په خپله اېکس پاڼه کې د ۱۴۰۵ کال په کانکور ازموینه کې راشد، انعامالله او عبدالهادي ته د لومړي، دویم او درېیم مقام اخیستلو مبارکي ورکړې ده.
پخواني افغان ولسمشر د نجونو او هلکانو په ګډون زدهکړو ته د لاسرسي پر ارزښت ټينګار کړی دی.
کرزي له دې مخکې هم په کانکور ازموینه کې د نجونو د نه ګډون په اړه خواشیني څرګنده کړې او ویلي یې و چې زدهکړې ټولو ته حیاتي دي او هیله لري چې د ښوونځیو او پوهنتونونو دروازې د نجونو پر مخ بېرته پرانیستل شي.
نوموړي زیاته کړې وه چې افغانستان د نجونو او هلکانو پر تخصص او زدهکړو د پراختیا پر لور تللی شي.
دا په داسې حال کې ده چې پر افغانستان د طالبانو له بیا واکمنېدو وروسته له شپږم ټولګي پورته ښوونځيو کې د نجونو پر زدهکړو بندیز لګېدلی دی.
