۸صبح، غزني: په غزني کې ځايي سرچینې وايي چې په دغه ولایت کې د ځمکې ښویېدنې په پېښه کې دوه کسان مړه شوي دي.
سرچینو یکشنبه د وږي پر ۲۹مه ۸صبح ورځپاڼې ته وویل چې دا پېښه نن له غرمې وروسته د غزني د ده یک ولسوالۍ په تاسنګ سیمه کې شوې ده.
د سرچینو په خبره، دا کسان وروسته له هغې مړه شول چې یوې خاورینې تپې ته نږدې پر کار بوخت و.
ویل کېږي له دې مخکې هم د هېواد په بېلابېلو سیمو کې د ورته پېښو په پایله کې مرګ ژوبله اوښتې ده.
پرون د کابل ښار په چهلستون سیمه کې غر ښویېدنه رسنیزه شوه او د غره په لمن کې شاوخوا ۳۰۰ کورونه له ګواښ سره مخ شوي دي.
