د لبنان پوځ خبر ورکړی چې اسراییلو د «جون میاشتې د هوکړې» له لاسلیک راوروسته، شاوخوا ۷۷۰۰ وارې سرغړونه کړې ده.
الجزیرې چهارشنبه د سپټمبر پر ۹مه راپور ورکړی چې لبنان په وروستیو کې د اسراییلو د بریدونو له زیاتېدو خبر ورکړی او ویلي یې دي چې د لبنان د سویل په کفر رمان ښار کې لږ تر لږه ۱۲ کسان وژل شوي دي.
لبناني پوځ زیاته کړې چې د اسراییلو د بریدونو دوام د «شته تفاهمونو او هوکړو» د عملي کېدو لپاره ګواښ دی.
د راپور له مخې، د لبنان په جنوب کې د اسراییلو پرلهپسې بریدونو، په لومړۍ کرښه کې د یوه ښار ۸۵ سلنه کورونه بشپړ ویجاړ کړې دي.
د دغه هېواد پوځ ویلي چې د یاد ښار پاتې ۱۵ سلنه کورونه هم زیانمن شوې دي.
د جون میاشتې هوکړه د جګړې د پای ته رسولو، د حزبالله د بېوسلې کولو او د لبنان له سویل څخه د اسراییلي ځواکونو د تدریجي وتلو لپاره د لارې چارې د برابرولو په موخه رامنځته شوې ده.
لبناني پوځ په پراخه کچه له دغې هوکړې سرغړونو ته په اشارې د اسراییلو د بریدونو د دوام له پایلو او پر شویو هوکړو یې د اغېزو په اړه خبرداری ورکړی دی.
