۸صبح، کندهار: سیمهییزې سرچینې وايي چې د کندهار په سپین بولدک ولسوالۍ کې یو کس خپله مېرمن ویشتلې او وروسته یې ځان هم وژلی دی.
سرچینو دوشنبه د لړم پر ۴مه ۸صبح ورځپاڼې ته وویل چې دا پېښه نن له غرمې وروسته د سپین بولدک اړوند په منار چوک سیمه کې شوې ده.
د سرچینو په خبره، دا کس اورنګ نومېده، ۳۰ کلن او د سرپل اصلي اوسېدونکی و چې له مودو راهیسې یې په کندهار کې ژوند کاوه.
سرچینې زیاتوي چې دغه کس خپله مېرمن مرمۍ ویشتلې او وروسته یې ځان هم ویشتلی دی.
تر اوسه د دې پېښې لامل څرګند نه دی خو سرچینې وايي چې دا ډول پېښې تر ډېره د اقتصادي ستونزو او کورني تاوتریخوالي له کبله رامنځته کېږي.
