د روسیې دفاع وزارت ویلي چې ځواکونو یې د اوکرایین په ختیځ دونڅک سیمه کې یو کلی نیولی دی.
مسکو ټایمز شنبه د جولای پر ۶مه راپور ورکړی چې مسکو له اوکرایین سره د جګړې په ډګر کې په کراره خپل پرمختګ ته دوام ورکوي.
ورته مهال، د روسیې دفاع وزارت ادعا کړې چې ځواکونو یې د سوکیل کلی چې د دونڅک ښار شمال ختیځ ته په شاوخوا ۳۰ کیلومترۍ کې پروت دی، لاندې کړی دی.
اخوا، کییف ویلي چې د دونڅک سیمې د لومړۍ کرښې په اوږدو کې سخته جګړه روانه ده، هغه سیمه چې روسيه هڅه کوي اوکرایینې ځواکونه شاتګ ته اړ کړي.
د راپورونو په حواله، سږ کال روسي ځواکونو د جګړې په ډګر کې لږ پرمختګ درلود.
