۸صبح، کابل: د طالبانو د ویاند مرستیال حمدالله فطرت اعلان کړی دی چې پرون ۱۳۵ کډوالې کورنۍ چې ۶۱۳ کسان کېږي، افغانستان ته راستنې شوې دي.
فطرت شنبه د تلې پر ۵مه، په یوه خبرپاڼه کې ویلي چې ۲۲ کورنۍ چې ۱۲۰ کسان کېږي، د ننګرهار د تورخم له لارې هېواد ته راستنې شوې دي.
د طالبانو په وینا، ۲۰ کورنۍ، چې ۱۲۰ کسان کېږي، د کندهار د سپینبولدک له لارې افغانستان ته راغلې دي.
د دغې خبرپاڼې له مخې، ۸۳ کورنۍ چې ۳۵۸ کسان کېږي، د نیمروز د ورېښمو پله له لارې هېواد ته راستنې شوې دي.
همدا راز، ۲۰ کورنۍ چې ۸۱ کسان کېږي د هرات د اسلام کلا له لارې افغانستان ته راغلې دي.
