۸صبح، کابل: د طالبانو د ویاند مرستیال حمدالله فطرت وايي چې پرون ۱۲۵ کورنۍ چې ۵۹۵ کسان کېږي، له ګاونډیو هېوادونو په جبري توګه افغانستان ته راستنې شوې دي.
فطرت یکشنبه د وږي پر ۲۹مه، په یوه خبرپاڼه کې ویلي چې ۵۰ کورنۍ چې ۲۵۹ کسان کېږي، په ننګرهار کې د تورخم له لارې او ۱۴ کورنۍ چې ۷۱ کسان کېږي، د کندهار د سپینبولدک له لارې هېواد ته راستنې شوې دي.
نوموړي زیاته کړې چې ۵۸ کورنۍ چې ۲۵۳ کسان کېږي، هم د نیمروز د ورېښمو پله له لارې افغانستان ته راستنې شوې دي.
همدا راز، درې کورنۍ چې ۱۲ کسان کېږي، د هرات د اسلامکلا له لارې افغانستان ته راستنې شوې دي.
