۸صبح، کابل: طالبانو ویلي، چې له ایران او پاکستانه په یوه ورځ کې څه باندې څلور زره افغان کډوال په جبري توګه افغانستان ته را ایستل شوي دي.
د طالبانو د ویاند مرستیال حمدالله فطرت دوشنبه د چنګاښ پر ۲۹مه، ویلي چې دغه کډوال پرون هېواد ته راستانه کړل شوي دي.
دا په داسې حال کې ده، چې پاکستان شاوخوا لس ورځې وړاندې د افغان کډوالو د ایستلو نوې بهير پيل ګړندی دی.
د ایران او امریکا ترمنځ د ترينګلتيا له زیاتېدو سره هممهاله، له ایرانه د افغان کډوالو د جبري ایستلو بهیر هم چټک شوی دی.
یو شمېر راستانه شوي کډوال، هېواد ته له را ستنېدو وروسته د سرپناه د نشتوالي، بېکارۍ، بېوزلۍ او د ژوند د لومړنیو اړتیاوو په برابرولو کې د ستونزو په څېر ننګونو سره مخ دي.
مرستندویو بنسټونو خبرداری ورکړی، چې د راستانه شویو کډوالو د شمېر زیاتوالی پر زیانمنو کورنیو او په افغانستان کې د بشري مرستو پر محدودو سرچینو لا زیات فشار راولي.
