۸صبح، کابل: د طالبانو د بهرنیو چارو وزیر امیرخان متقي د «مسکو فارمټ» په اتمه ناسته کې ویلي چې د طالبانو او پاکستان ترمنځ ستونزې دې د خبرو او ډيپلوماسۍ له لارې حل شي.
متقي دوشنبه د تلې پر ۱۳مه ویلي چې د طالبانو نظامي تګلاره د دواړو غاړو ترمنځ د امنیتي، سیاسي او اقتصادي ستونزو په هواري کې مرسته نه شي کولی.
نوموړي زیاته کړې چې پاکستان د پوځي فشار او پر افغان ملکي وګړو د بریدونو ترڅنګ، له اقتصادي لارو، کډوالو او محصلانو هم د فشار د وسیلو په توګه کار اخلي.
متقي ویلي چې له داعش، قاچاق او سمبال شویو جرمونو سره مبارزه د سیمې هېوادونو همکارۍ ته اړتیا لري.
هغه ټینګار کړی چې طالبان د سرحدي امنیت د ټینګښت او له نشهيي توکو سره د مبارزې په برخه کې له سیمهییزو هېوادونو سره همکارۍ ته چمتو دي.
