۸صبح، پکتیکا: په پکتیکا کې ځايي سرچینې په دغه ولایت کې په وحشیانه ډول د یو کس د وژل کېدو خبر ورکړی دی.
سرچینو سهشنبه د زمري پر ۲۷مه ۸صبح ورځپاڼې ته وویل چې د دغه ولایت د دیله ولسوالۍ اړوند سیمه کې د یو کس جسد موندل شوی دی.
د سرچینو په خبره، دا کس لومړی وژل شوی او وروسته یې مړی تر خاورو لاندې پټ شوی و.
د سرچینو د معلوماتو له مخې، دا کس د پېژندلو نه و او مړی یې د دغه ولایت روغتون ته لېږدول شوی او تر اوسه یې د خپلو خپلوانو په اړه هم معلومات نه شته.
د هېواد په بېلابېلو ولایتونو کې د مرموزو وژنو، وسلهوالو غلاوو او لادرکه کېدو پېښې ډېرې شوې چې خلک یې اندېښمن کړي دي.
