ندیم: د تېر حکومت د لوړو زدهکړو سیستم له منځه وړل شوی
۸صبح، ننګرهار: د طالبانو د لوړو زدهکړو سرپرست وزیر د پخواني حکومت د لوړو زدهکړو د سیستم د تخریب اعلان وکړ.
دا خبره د طالبانو د لوړو زدهکړو وزارت سرپرست وزیر ندا محمد ندیم پنجشنبه د لیندۍ پر ۱۷ ننګرهار ولایت ته د سفر پر مهال کړې ده.
د ننګرهار ولایت له استادانو سره په لیدنه کې ندیم د تېر حکومت د لوړو زدهکړو سیستم غیرقانوني وباله.
د طالبانو له خوا د لوړو زدهکړو نوي ټاکل شوي سرپرست وزیر په دې وروستیو کې نورې جنجالي څرګندونې هم کړې دي.
نوموړي څو ورځې وړاندې په خپلو خبرو کې وويل، چې د پوهنتونونو د استادانو علمي رتبه د هغو ماينونو د شمېر له مخې ټاکل کېږي، چې له تېر حکومت سره په جګړه کې يې ښخ کړي دي.
