۸صبح، کابل: د ملګرو ملتونو د بشري مرستو د همغږۍ دفتر (اوچا) وايي چې افغان ښځې له ورځ تر بلې زیاتېدونکو محدودیتونو سره سره، لا هم خلکو ته د مرستو رسولو ته دوام ورکوي.
اوچا یکشنبه د کب پر ۱۷مه، په یوه پیغام کې زیاته کړې چې د ښځو د پیوستون ۤپر نړیواله ورځ باید له ښځینه کارکوونکو ملاتړ وشي.
د اوچا په پیغام کې راغلي دي: «د افغان ښځو او نجونو لپاره له عدالت پرته، رښتینی عدالت نشته.»
د ښځو د پیوستون په نړیوالې ورځ، په افغانستان کې ګڼو مرستندویو بنسټونو غوښتنه کړې چې طالبان دې پر افغان ښځو لګېدلي محدودیتونه لغوه کړي.
په افغانستان کې د ملګرو ملتونو د مرستندوی پلاوي دفتر (یوناما) په یوه راپور کې ویلي چې ښځې د نارینهوو پرتله څلور برابره کم عدالت ته لاسرسی لري.
