۸صبح، کابل: د ملګرو ملتونو د بشري مرستو د همغږۍ دفتر (اوچا) د ملګرو ملتونو د عمومي اسامبلې د ۸۱مې غونډې په څنډه کې اعلان کړی چې په افغانستان کې ۲۱.۹ میلیونه کسان بشري مرستو ته اړتیا لري.
اوچا سه شنبه د وږي پر ۳۱مه، پر اېکس پاڼه ویلي چې د سپټمبر تر نیمایي پورې د اړتیا وړ بودیجي یوازې ۳۱ سلنه برابره شوې ده.
دې ادارې زیاته کړې چې په افغانستان کې د بشري مرستو د رسولو د بهیر د دوام لپاره د بودیجي پر وخت او انعطاف منونکی تمویل اړین دی.
اوچا ټینګار کړی چې د دې بودیجي برابرول په افغانستان کې د بشري وضعیت د لا خرابېدو د مخنیوي لپاره مهم دي.
