۸صبح، لغمان: د کابل–جلالاباد پر لویه لار د یوه باروړونکي موټر د چپه کېدو له امله یوه ښځه مړه شوې او ۲۷ کسان ټپیان شوي دي.
په لغمان کې د طالبانو د امنیه قوماندانۍ ویاند یونس یوسفزي دوشنبه د تلې پر ۶مه، ویلي چې دا پېښه نن سهار شاوخوا ۹ بجې د قرغیو ولسوالۍ د مشالهکمر په سیمه کې رامنځته شوې ده.
طالبانو د موټرچلوونکي بېاحتیاطي د دې پېښې اصلي لامل بللی دی.
د کابل–جلالاباد پر لویه لاره ترافیکي پېښې په تېرو کلونو کې په ځلونو د مسافرو د مړینې او ټپي کېدو لامل شوې دي.
د موټرچلوونکو بېاحتیاطي، له ټاکلې کچې زیات سرعت او د سړک خراب وضعیت د یو شمېر دغو پېښو له لویو لاملونو بلل شوي دي.
