۸صبح، ننګرهار: ننګرهار کې ځایي سرچینې وایي چې په دغه ولایت کې د یوې چاودنې په پایله کې، یو کس مړ او ۶ نور ټپیان شوي دي.
باروې سیمه ییزې سرچینې ۸صبح ورځپاڼې ته وایي چې دغه چاودنه د ننګرهار ولایت کوز کونړ ولسوالۍ کې د څارویو په یوه بازار کې شوې ده.
د سرچینو په وینا، چاودنه په یوه سوزوکي ډوله موټر کې د ځای پر ځای شوي چسپکي ماین له امله وه.
خو نورې سرچینې وایي چې د دغې چاودنې له امله ۱ کس مړ او ۸ نور ټپیان شوي دي.
تر اوسه کومې ډلې د دې چاودنې مسوولیت پر غاړه نه دی اخیستی. طالبانو هم په دې اړه څه نه دی ویلي.
