۸صبح، کابل: «له ګوزڼه د پاک افغانستان» بنسټ اعلان کړی چې راتلونکې اوونۍ به د افغانستان په ټولو ولایتونو کې د پولیو واکسین کمپاین ترسره شي.
دغه بنسټ چهارشنبه د وري پر ۱۹مه په یوه پیغام کې ویلي چې دا کمپاین به د راتلونکې اوونۍ د دوشنبې په ورځ ترسره شي.
«له ګوزڼه د پاک افغانستان » بنسټ خلکو ته بلنه ورکړې چې د دې ناروغۍ په له منځه وړلو کې همکاري وکړي.
دغه بنسټ دا نه ده څرګنده کړې چې په دغه کمپاین کې به څومره ماشومان واکسین شي.
د روغتیا نړیوال سازمان هم اعلان کړی و چې تېر کال په افغانستان کې د پولیو دوه مثبتې پیښې په بادغیس او هلمند ولایتونو کې ثبت شوې دي.
