۸صبح، بغلان: د هوا له تودېدو او برېښنا له پرلپسې پرې کېدو سره هممهاله د بغلان د مرکز پلخمري ښار اوسېدونکي له ګڼو ستونزو سره مخ شوي دي.
سرچینو شنبه د زمري پر ۱۷مه ۸صبح ورځپاڼې ته وویل چې له تېرې ورځې راهیسې د پلخمري په ځينو سیمو کې برېښنا پرلپسې پرې کېږي.
هغوی وايي چې ځینې مهال یوازې نیم ساعت برېښنا وي او وروسته له درېیو تر څلورو ساعتونو نه وي.
د اوړي په سخته ګرمۍ کې د برېښنا پرلپسې پرې کېدو کورنیو په ځانګړې توګه ماشومانو، عمر خوړولو او ناروغانو ته ګڼې ستونزې جوړې کړې دي.
د پلخمري اوسېدونکو د دغې ستونزې د ژر هواري غوښتنه کړې ده.
د یادونې ده چې افغانستان د برېښنا له کمښت سره مخ دی او د اړتیا وړ ډېره برېښنا له ګاونډیو هېوادونو واردوي.
