۸صبح، کابل: د طالبانو د عامې روغتیا وزارت اعلان کړی چې د سره صلیب نړیوالې کمېټې (ICRC) د دایکنډي ولایت له یوه روغتون سره د څه باندې یو میلیون افغانیو په ارزښت د طبي وسایلو مرسته کړې ده.
دغه وزارت به شنبه د تلې پر ۲۱مه، په یوه خبرپاڼه کې ویلي چې په دې مرستو کې د فیزیوتراپۍ او ارتوپیدۍ ۵۳ ډوله وسایل او همدا راز ویلچیرونه شامل دي.
د طالبانو په وینا، دغه وسایل د دایکنډي ولایت د «امیرالمؤمنین» روغتون ته ورکړل شوي دي.
د عامې روغتیا وزارت ویلي چې د دې مرستې موخه د بیارغېدو روغتیايي خدمتونو پیاوړتیا او د ناروغانو او معلولیت لرونکو کسانو لپاره د روغتیايي خدمتونو د کیفیت ښه کول دي.
