د امریکا د بهرنیو چارو وزیر مارکو روبیو سمرقند ته د خپل سفر په ترڅ کې ویلي چې د ازبکستان او متحدو ایالاتو ترمنځ د همکارۍ تازه فرصتونه په رامنځته کېدو دي.
د ازبکستان د ولسمشرۍ دفتر رییسې سعیدې میرضیایف دوشنبه د اکتوبر پر ۱۹مه په اېکس کې لیکلي چې مارکو روبیو په سمرقند ښار کې د ریګستان له مشهور او تاریخي ډګره لیدنه کړې ده.
روبیو له خبریالانو سره په خبرو کې ویلي چې سمرقند له پېړیو راهیسې د نړیوالې سوداګرۍ مهم مرکز دی.
نوموړي زیاته کړې چې اوس په دغه ښار کې د امریکا او ازبکستان ترمنځ د همکارۍ د پراختیا لپاره تازه لارې چارې برابرېږي.
له دې مخکې سعیدې میرضیایف ویلي و چې ازبکستان د سوداګرۍ د برخې له مشرانو سره خبرو او لیدنو او د امریکا او ازبکستان د سوداګرۍ او پانګونې شورا غونډې ته چمتو دی.
