۸صبح، مانچسټر: د بریتانیا په مانچسټر ښار کې د ازبکۍ ژبې ملي ورځ د کلتوري پروګرامونو، شعرونو او سیمهییزو سندرو په غږولو نمانځل شوې ده.
تنظیموونکو دوشنبه د تلې پر ۲۷مه ۸صبح ورځپاڼې ته وویل چې دا پروګرام د ازبکۍ ژبې د خوندیتوب، د ازبکانو د کلتور او دودونو د پېژندلو په موخه جوړ شوی و.
د پروګرام د جوړوونکو په خبره، په دې غونډه کې په ازبکۍ ژبه شعرونه ولوستل شول او سندرې واورول شوې او ویناوالو د دې ژبې د کارولو د ودې لپاره پر هڅو ټینګار کړی دی.
دغه راز، له فرانسې او سویس څخه ځینو کلتوري فعالانو د ویډیويي پیغامونو له لارې په پروګرام کې ګډون کړی او د ازبکانو د ژبې او کلتوري میراث د خوندیتوب پر ارزښت یې خبرې وکړې.
د پروګرام په بله برخه کې د ازبکانو څه باندې لس ډوله دودیز خواړه او د لاسي صنایعو بېلګې نندارې ته وړاندې شوې دي.
د سیمهییزو ترانو اورول، د دایرې غږول او سیمبولیک کلتوري مراسم هم د غونډې نورې برخې وې.
