۸صبح، کابل: د امریکا د بهرنیو چارو وزیر مارکو روبیو ویلي چې پنځه کاله مخکې ۱۳ امریکايي سرتېري چې په کابل کې ووژل شول، هېڅکله به یې هېر نه کړي.
روبیو چهارشنبه د وږي پر ۴مه په اېکس پاڼه کې لیکلي چې پنځه کاله مخکې ۱۳ امریکايي سرتېري له خپلو کورنیو او هېواده واخیستل شول.
نوموړي دا ځواکونه «زوړر» بللي او ویلې یې دي چې یاد به یې تل ژوندی وي.
نوموړي دا څرګندونې د کابل په هوايي ډګر کې د خونړي برید د پنځمې کلیزې په مناسبت کړې دي چې له افغانستانه د امریکايي ځواکونو د وتلو پر مهال وشو.
د امریکا د بهرنیو چارو وزیر ویلي چې هېواد یې باید بیا هېڅکله اجازه ورنه کړي چې امریکايي سرتېري له داسې خیانت سره مخ شي.
