۸صبح، کابل: په افغانستان کې د ملګرو ملتونو د مرستندوی پلاوي دفتر (یوناما) وايي، د ۲۰۲۵ کال د اکتوبر له لومړۍ د ۲۰۲۶ کال د سپټمبر تر ۳۰مې پورې، د پولې په اوږدو کې د پېښو له امله ۵۱۲ ملکي وګړي وژل شوي او ۱،۲۳۶ نور ټپیان شوي دي.
یوناما پنجشنبه د تلې پر ۲۳مه، راپور ورکړی چې د روان میلادي کال د جولای له لومړۍ د سپټمبر تر ۳۰مې پورې سرحدي پېښو د ۱۳ ملکي وګړو ژوند اخیستی او ۲۰ نور یې ټپیان کړي دي.
دغه بنسټ دغه راز په کونړ ولایت کې د فشار په وسیله د چاودېدونکو توکو د چاودنې له امله د دوو ماشومانو په ګډون د څلورو ملکي وګړو ټپي کېدل مستند کړي دي.
د افغانستان او پاکستان ترمنځ سرحدي نښتې او ترینګلتیاوې په ځلونو د پولو د بندرونو د تړل کېدو، د کورنیو د بېځایه کېدو او ملکي وګړو ته د مرګژوبلې د اوښتو لامل شوې دي.
په دغو پېښو کې استوګنیزې سیمې او د سرحدي سیمو اوسېدونکي هم زیانمن شوي دي.
