۸صبح، پروان: سیمهییزې سرچینې وايي چې د پروان په شینوارو ولسوالۍ کې سیند ته د یوه موټر د لوېدو په پېښه کې شپږو کسانو ژوند بایللی دی.
سرچینو پنجشنبه د تلې پر ۲۳مه ۸صبح ورځپاڼې ته وویل چې دا پېښه د شینوارو ولسوالۍ د باغ افغان په سیمه کې شوې ده.
د سرچینو په خبره، په موټر کې شپږ کسان سپاره و چې ټول مړه شوي.
سرچینې زیاتوي چې د څلورو کسانو مړي موندل شوي خو دوه ماشومان لا هم ورک دي.
د سرچینو په وینا، د دوو ماشومانو د جسدونو د موندلو لپاره هڅې دوام لري.
