۸صبح، غزني: په غزني کې ځايي سرچینې وايي، د طالبانو د هغه جنګیالي جسد چې په پکتیا ولایت کې له پاکستاني پوځیانو سره په نښته کې وژل شوی و، دغه ولایت ته لېږدول شوی دی.
سرچینو يکشنبه د تلې پر ۲۶مه، له ۸صبح ورځپاڼې سره په خبرو کې تایید کړې چې د طالبانو دغه جنګیالی تېره شپه د پکتیا ولایت په ځاځي اریوب ولسوالۍ کې له پاکستاني پوځیانو سره په نښته کې وژل شوی دی.
د سرچینو په وینا، د طالبانو دغه جنګیالی غوثرحمن نومېده او د غزني ولایت د قرهباغ ولسوالۍ اوسېدونکی و.
د هغه جسد د دغې ولسوالۍ په فتحخان کلي کې خاورو ته سپارل شوی دی.
طالب جنګیالي او د پاکستان سرحدي ځواکونه پرون له غرمې وروسته، ډېورنډ کرښې ته څېرمه د پکتیا ولایت په ډنډپټان او ځاځي اریوب ولسوالیو کې له یو بل سره ونښتل.
دواړو لورو ادعا کړې چې مقابل لوري ته یې مرګژوبله اړولې ده.
دا په داسې حال کې ده چې تر دې وړاندې هم په ځلونو ډېورنډ کرښې ته څېرمه د دواړو لورو ترمنځ نښتې شوې دي او دواړو خواوو یو بل ته د مرګژوبلې اړولو خبر ورکړی دی.
