۸صبح، خوست: په خوست کې ځايي سرچینې وايي چې له ماښام راهیسې د خوست په اسمان کې بېپيلوټه الوتکې ګزمې کوي.
سرچینو شنبه د وږي پر ۱۴مه ۸صبح ورځپاڼې ته وویل چې دا بېپيلوټه الوتکې ډېرې ټيټې ګرځي او خلک یې اندېښمن کړي دي.
د هغوی په خبره، دا بېپيلوټه الوتکې د خوست د مرکز سربېره په تڼیو، اسماعیل خېلو او ځینو نورو ولسوالیو کې هم لیدل شوې دي.
هغوی زیاته کړې چې دا ډرون الوتکې پاکستانۍ دي.
له دې مخکې هم سرچینو د خوست په اسمان کې د بېپیلوټه الوتکو د ګرځېدو خبر ورکړی و او ویلې یې و چې کله کله طالبان پر ډزې کوي.
په تېرو میاشتو کې هم په خوست، پکتیا او پکتیکا کې د بېپیلوټه الوتکو د ګزمو راپورونه خپاره شوي دي.
