۸صبح، ننګرهار: ځايي سرچینې وايي چې طالب جنګیالي او پاکستاني ځواکونه یو ځل بیا په تورخم کې سره نښتي دي.
سرچینو يکشنبه د لړم پر ۱۰مه، له ۸صبح ورځپاڼې سره په خبرو کې ویلي چې د دواړو لورو ترمنځ نښته نن له غرمې راهیسې په تورخم کې پیل شوې ده.
د سرچینو په وینا، د دغو نښتو له امله د مرستندویو بنسټونو کارکوونکي له سیمې وتلي دي.
همداراز، طالبانو له پاکستانه د ایستل شویو کډوالو کمپ تخلیه کړی او راستنېدونکي یې ترې ایستلي دي.
د سرچینو په وینا، دا نښته وروسته له هغې پیل شوې چې طالب جنګیالیو غوښتل تورخم ته نږدې یوه امنیتي پوسته جوړه کړي، خو پاکستاني ځواکونو یې مخالفت کړی دی.
په تېره یوه اوونۍ کې دا درېیم ځل دی چې د طالبانو او پاکستاني ځواکونو ترمنځ په تورخم کې نښته کېږي.
