۸صبح، غزني: په غزني ولایت کې سرچینې وايي، د دې ولایت د قرهباغ ولسوالۍ د تمکي کلي اوسېدونکو په خپل شخصي لګښت د څه باندې شپږ میلیونه افغانیو په ارزښت یو ښوونځی جوړ کړی دی.
سرچینو دوشنبه د تلې پر ۲۷مه، ۸صبح ورځپاڼې ته ویلي چې د دې ښوونځي ودانۍ ۱۲ درسي ټولګي لري.
د سرچینو په وینا، دغه ښوونځی لږ تر لږه ۳۰۰ زدهکوونکو ته د زدهکړې زمینه برابرولای شي.
تر دې مخکې هم د غزني ولایت اوسېدونکو د دې ولایت په بېلابېلو سیمو کې په خپل شخصي لګښت څو ښوونځي جوړ کړي دي.
دا په داسې حال کې ده چې د طالبانو له بیا واکمنېدو وروسته، له شپږم ټولګي پورته نجونې ښوونځي ته له تګه محرومې شوې دي.
