۸صبح، کابل: طالبانو اعلان کړی چې پرون ۱۵۶ کډوالې کورنۍ چې ټولټال ۶۸۱ کسان کېږي، افغانستان ته راستنې شوې دي.
د طالبانو ویاند حمدالله فطرت سه شنبه د تلې پر ۲۱مه، په یوه خبرپاڼه کې ویلي چې ۱۴ کورنۍ چې ۶۷ کسان کېږي، د ننګرهار ولایت د تورخم له لارې هېواد ته راستنې شوې دي.
د دې خبرپاڼې له مخې، ۹ کورنۍ چې ۵۲ کسان کېږي، د کندهار ولایت د سپین بولدک له لارې هېواد ته راستنې شوې دي.
د فطرت په وینا، ۱۱۱ کورنۍ چې ۴۸۸ کسان کېږي، هم د نیمروز ولایت د ورېښمو پله له لارې افغانستان ته راستنې شوې دي.
دغه راز، ۲۲ کورنۍ چې ۷۴ کسان کېږي، د هرات ولایت د اسلامکلا له لارې هېواد ته راغلې دي.
