۸صبح، کابل: طالبانو ویلي چې پرون ۱۶۳ کډوالې کورنۍ چې ۶۷۸ کسان پکې شامل دي، په جبري توګه افغانستان ته راستنې شوې دي.
د طالبانو ویاند حمدالله فطرت شنبه د تلې پر ۱۸مه، په یوه خبرپاڼه کې ویلي چې ۳۷ کورنۍ چې ۱۶۹ کسان پکې شامل دي، د ننګرهار د تورخم له لارې هېواد راغلې دي.
د دې خبرپاڼې له مخې، ۹۹ کورنۍ، چې ۳۸۴ کسان پکې شامل دي، د نیمروز د ورېښمو پله له لارې افغانستان ته راستنې شوې دي.
دغه راز، ۱۹ کورنۍ د کندهار د سپینبولدک له لارې او اته کورنۍ چې ۸۱ کسان پکې شامل دي، د هرات د اسلامکلا له لارې افغانستان ته راستنې شوې دي.
