۸صبح، هرات: سیمهییزې سرچینې وايي چې د طالبانو د امر باالمعروف او نهی عن المنکر محتسبانو له دوو سوداګریزو مرکزونو دوه ښځې نیولې دي.
سرچینو چهارشنبه د زمري پر ۷مه ۸صبح ورځپاڼې ته وویل چې طالبانو یوه ښځه د مازیګر شاوخوا ۶:۳۵ دقیقې د هرات ۶۴ متره سړک اړوند د یوې مغازې له پارکینګ څخه د وتلو پر مهال له ځان سره وړې ده.
د سرچینو په خبره، دغې ښځې «مانتو» اغوستی و او د امر باالمعروف او نهی عن المنکر درېیو ښځینه محتسبانو نیولې ده.
سرچینو زیاته کړې چې د امر باالمعروف نارینه محتسبانو د دغې ښځې مېړه ته اجازه نه ده ورکړی چې له موټره ښکته شي.
سرچینې وايي چې له دغې پېښې څو دقیقې وروسته د هرات له یوه سوداګریز کمپلیکس څخه یوه بله ښځه هم نیول شوې ده.
دا په داسې حال کې ده چې طالبانو په هرات کې امر کړی چې ښځې دې د دوی د پام وړ حجاب مراعات کړي.
