۸صبح، هلمند: په هلمند کې ځايي سرچینې وايي چې پر پاکستاني درملو له بندیز وروسته درملتونونو ته ویل شوي چې دا درمل ټول کړي، خو هغوی ته اړین فرصت نه دی ورکړل شوی.
سرچینو سهشنبه د وږي پر ۱۰مه ۸صبح ورځپاڼې ته وویل چې شاوخوا درې څلور ورځې مخکې درملتونونو ته خبر ورکړل شو چې پر پاکستاني درملو بندیز لګېدلی او باید ټول یې کړي.
د دوی په خبره، هغوی د دې لپاره په هلمند کې د طالبانو د عامې روغتیا ریاست ته ورغلي، خو د دغه ریاست مسوولانو ویلي چې پر پاکستاني درملو د بندیز پرېکړه یې په واک کې نه ده.
هغوی وايي چې د دې لپاره د یوه ځانګړي بنسټ نشتوالي، درملتونونو ته ستونزې جوړې کړې دي.
د طالبانو او پاکستان ترمنځ د ترینګلتیاوو له پیلېدو وروسته د دواړو غاړو ترمنځ سوداګري درېدلې ده.
