۸صبح، بدخشان: د بدخشان سیمهییزې سرچینې وايي، طالب جنګیالیو په دغه ولایت کې یو ۱۴ کلن هلک چې د اسماعیلیه مذهب پالونکی و، په ډزو وواژه.
سرچینو سهشنبه د لیندۍ پر ۲۷مه، ۸صبح ورځپاڼې ته منلې چې طالب جنګياليو دا ځوان دوه ورځې مخکې د بدخشان د واخان ولسوالۍ په «دګرګند» کلي کې په ډزو وژلى دى.
د سرچينو په وینا، دا هلک اسلامالدين نومېده او د ښوونځي د اووم ټولګي زدهکوونکى و.
ورته مهال، د دغې ډلې د امنيه قوماندانۍ یو طالب مسوول د نوموړي هلک وژل کېدل منلي او زياته کړې یې ده چې هغه په تېروتنه کې لګېدلی.
طالب مسوول څرګنده کړې چې د دې پېښې په تړاو دوه کسان نيول شوي دي.
دا په داسې حال کې ده چې شاوخوا دوه اوونۍ مخکې هم د بدخشان په بهارک ولسوالۍ کې د اسماعیلیانو په جماعتخونه کې د یو پوخعمره سړي زندۍ شوی مړی موندل شوی و.
همداراز طالب جنګیالیو تېره اوونۍ په فیضاباد ښار کې یو سړی د خپلې لور مخې ته په ډزو وژلی و.
د يادونې ده چې پر افغانستان د طالبانو له واکمنېدو وروسته دغې ډلې مذهبي لږکي او پخواني سرتېري په نښه کړي دي.
