۸صبح، کابل: طالبانو اعلان کړی دی چې پرون ۳۵۴ کورنۍ چې۱۵۶۰ کسان کېږي، په جبري توګه افغانستان ته راستنې شوې دي.
د طالبانو د ویاند مرستیال حمدالله فطرت پنجشنبه د تلې پر ۲مه، په یوه خبرپاڼه کې ویلي چې ۱۰۱ کورنۍ چې ۵۱۲ کسان کېږي، د ننګرهار د تورخم له لارې افغانستان ته راستنې شوې دي.
د دغې خبرپاڼې له مخې، ۴۱ کورنۍ چې ۱۶۵ کسان کېږي، د کندهار د سپین بولدک له لارې هېواد ته راستنې شوې دي.
د طالبانو په وینا، ۱۷۴ کورنۍ چې ۷۶۱ کسان کېږي، د نیمروز د ورېښمو پله له لارې راستنې شوي دي.
همدا راز ۳۸ کورنۍ چې ۱۲۱ کسان کېږي، د هرات د اسلام کلا له لارې افغانستان ته راستنې شوې دي.
