۸صبح، کابل: د طالبانو سترې محکمې ویلي چې په کاپیسا کې یې پر دوو کسانو د دُرو حکم پلی کړی دی.
نوموړي بنسټ شنبه د غبرګولي پر ۱۹مه په یوې خپرې کړې خبرپاڼه کې لیکلي چې پر دغو کسانو د نامشروع اړیکو تور و او هر یو ۱۸ – ۱۸ دُرې وهل شوی دی.
له دې وړاندې هم د طالبانو دا ډول کړنې په کور دننه او بهر له غبرګونونو سره ملې وې.
په افغانستان کې د ملګرو ملتونو مرستندویه پلاوي یا یوناما له طالبانو غوښتي چې د بشري حقونو نړیوالو ژمنو ته درناوی وکړي.
دغه بنسټ د طالبانو له خوا بدني سزاوې غندلې دي.
څو ورځې وړاندې هم طالبانو په سرپل کې د ښځو په ګډون پر ۵۲ کسانو د دُرو حکم پلی کړی و.
