په فارس خلیج کې د ایران او امریکا ترمنځ د تازه نښتو له امله په نړیوالو بازارونو کې د خامو تېلو بیې لوړې شوې او د هر بېرل بیه نږدې ۱۰۰ ډالرو ته رسېدلې ده.
الجزیرې چهارشنبه د سپټمبر پر ۹مه، راپور ورکړی چې د تېلو بیې تر هغې وروسته لوړې شوې چې ایران په فارس خلیج کې پر امریکايي ځواکونو بریدونه وکړل.
د راپور له مخې، د برېنټ خامو تېلو بیه ۱.۵۷ ډالره يا ۱.۶ سلنه لوړه شوې او د ګرینویچ پر وخت نن سهار د هر بېرل بیه ۹۹.۴۹ ډالرو ته رسېدلې ده. همداراز، د امریکا د لوېدیځ ټکساس انټرمیډیټ (WTI) خامو تېلو بیه ۱.۶۰ ډالره چې ۱.۷۲ سلنه کېږي، لوړه شوې او د هر بېرل بیه یې ۹۴.۶۳ ډالرو ته رسېدلې ده.
په همدې حال کې، د برېنټ خامو تېلو بیه د تېرې میاشتې له پیل راهیسې. د شپږ میاشتني جګړې د دایمي پای ته رسېدو په اړه د هیلو د کمېدو او د نښتو د بیا پیل له امله ۲۵ سلنه لوړه شوې ده.
دا په داسې حال کې ده چې په وروستیو ورځو کې په فارس خلیج کې د ایران او امریکا ترمنځ نښتې یو ځل بیا زیاتې شوې دي
