د «داسې ژوند وکړئ» کتاب د چاپ په ګاڼه سينګار شو!

د «داسې ژوند وکړئ» تر عنوان لاندې کتاب چې ليکوالان يې بېلابېل دي، په ۱۲۸ مخونو کې د ښاغلي حسيب الرحمن نورمل لخوا ترتيب او پښتو ته ژباړل شوی چې تازه په تازه په کابل چاپ او بازار ته وړاندې شو.
د دې کتاب ژباړن له ۸صبح پښتو مجلې سره په خبرو کې وويل: «په دغه کتاب کې وړې، لنډې او اغېزناکې لارې چارې دي چې په عملي کولو سره یې کولی شو خوشاله او بریالی ژوند وکړو.»
د ښاغلي نورمل په وينا، په کتاب کې لنډې او اغېزناکې جملې له ۲۰ زیاتو کتابونو او د انټرنېټ له بېلابېلو معتبرو سرچینو را ژباړل شوې دي. په هره جمله کې ډېر رازونه او خبرې پرتې دي چې که په دقت سره مطالعه شي نو د ژوند په ډېرو چارو کې درسره مرسته وکړي.