۸صبح، کابل: طالبان وايي چې د کونړ، پکتیا او پکتیکا پر ولایتونو د پاکستان د تېرې شپې په بریدونو کې د ښځو او ماشومانو په ګډون لږ تر لږه ۳۶ کسان وژل شوي او ۱۶۳ نور ټپیان شوي دي.
د طالبانو د ویاند مرستیال حمدالله فطرت دوشنبه د چنګاښ پر ۸مه پر خپله اېکس پاڼه د پکتیا، پکتیکا او کونړ پر ولایتونو د پاکستان د تېرې شپې هوايي بریدونه تېری بللی دی.
د طالبانو د ویاند مرستیال ادعا کړې چې د پاکستان د تېرې شپې په بریدونو کې ټوله مرګژوبله ملکي وګړو ته اوښتې ده.
نوموړي دغه راز زیاته کړې چې په دغو بریدونو کې د خلکو د استوګنې کورونه په نښه شوي دي.
د طالبانو ویاندویانو تر دې وړاندې هم پر کونړ, پکتیکا او پکتیا ولایتونو د پاکستان د پوځ د تېرې شپې د بریدونو په تاییدولو سره، هغه «بزدلانه او وحشیانه» بللي وو.
