۸صبح، پکتیکا: سیمهیېزې سرچینې په پکتیکا کې د دیني مدرسې د یوه ۱۳ کلن زدهکوونکي د ځړول شوي مړي د موندل کېدو خبر ورکړی دی.
سرچینو سهشنبه د وږي پر ۳۱مه له ۸صبح ورځپاڼې سره په خبرو کې منلې چې د دغه زدهکوونکي مړی د پکتیکا په خوشامند ولسوالۍ کې په داسې حال کې موندل شوی چې په یوه ونه کې ځړول شوی و.
تر اوسه دا روښانه نه ده چې دغه ماشوم ځانوژنه کړې که د بل چا له خوا ځړول شوی دی.
دا په داسې حال کې ده چې د روانې اوونۍ په ترڅ کې د هېواد په بېلابېلو برخو کې د لږ تر لږه ۱۳ کسانو د وژل کېدو او ځانوژنې راپورونه ورکړل شوي دي.
څو ورځې وړاندې هم سیمهیېزو سرچینو خبر ورکړی و چې په فراه کې د یوه ځوان ځړول شوی مړی موندل شوی دی.
