۸صبح، فراه: سیمهیېزې سرچینې وايي چې په فراه کې د یوه ځوان مړی په داسې حال کې موندل شوی چې په دار ځړول شوی و.
سرچینو یکشنبه د وږي پر ۲۹مه له ۸صبح ورځپاڼې سره په خبرو کې وویل چې دا ځوان عبدالمتین نومېده او د فراه په مرکز کې په دار ځړول شوی دی.
د سرچینو په خبره، تر اوسه نه ده روښانه چې دغه ځوان خپله ځان په دار ځړولی که بل چا وژلی دی.
د دې پېښې د څرنګوالي او د رامنځته کېدو د کره وخت په اړه یې نور جزییات نه دي ورکړل شوي.
ورته مهال ځینې سرچینې وايي چې دا ۲۲ کلن ځوان صراف و او له مالي زیان وروسته یې ځانوژنه کړې ده.
له دې مخکې سرچینو خبر ورکړی و چې په بادغیس کې وسلهوالو یو ډاکټر وژلی دی.
