۸صبح، کابل: په کابل ښار کې سرچینې وايي چې طالبانو د امید سبز ښارګوټي اوسېدونکو او کرایهورکوونکو لپاره د هرې کوټې میاشتنی کرایه څلور زره افغانۍ ټاکلې ده.
سرچینو سهشنبه د تلې پر ۱۴مه ۸صبح ورځپاڼې ته وویل چې طالبانو له کرایهورکوونکو غوښتي چې د شپږو میاشتو کرایه مخکې له مخکې تحویل کړي.
سرچینې زیاتوي چې طالبانو د دغه ښارګوټي پر اوسېدونکو د کرایې فورمې وېشلې دي.
سرچینې وايي چې طالبانو د کابل په لویدیځ کې د څو نورو ښارګوټو اوسېدونکو ته هم د کرایې ورکولو خبرداری ورکړی دی.
سرچینو زیاته کړې: «دا ښارګوټي د جاغوریانو ښارګوټی، د اته ابوذر ښارګوټی، مهدیه ښارګوټی، سرخاباد او د مزاري میدان شاته ښارګوټی دی.»
مخکې د طالبانو عدلیې وزارت خبر ورکړی و چې د «امید سبز ښارګوټي» څه باندې ۱۵۰۰ جریبه ځمکه یې استراداد کړې ده.
