۸صبح، کابل: د کډوالۍ نړیوال سازمان (IOM) ویلي چې د کونړ نورګل ولسوالۍ له زلزلې زیانمنو ۹۸ کورنیو سره د کورونو په بیارغونه کې مرسته کوي.
نوموړي بنسټ پنجشنبه د وږي پر ۵مه په اېکس کې لیکلي چې د دغه سازمان ټیمونه له سیمهییزو خلکو سره په همکارۍ د زیانمنو کورنیو د کورونو د بیارغونې له بهیره ملاتړ کوي.
د کډوالۍ نړیوال سازمان زیاته کړې چې دا مرسته په څو پړاونو او د ودانیزو چارو له پرمختګ سره هممهاله وړاندې کېږي.
ملګرو ملتونو ویلي چې دا مرسته له کورنیو سره د کورونو په بیارغولو او راتلونکي ژمي ته د چمتو کېدو په موخه کېږي.
دا مرستې داسې مهال کېږي چې په افغانستان کې وروستیو مرګونو زلزلو د مرګژوبلې ترڅنګ، کورنیو ته پراخ مالي زیانونه هم اړولي او ګڼ نور یې بېکوره کړې دي.
