ایراني رسنیو د دغه هېواد د جمهوري ریاست ټاکنو د دویم پړاو د پېل خبر ورکړی دی.
د دغه هېواد دویم پړاو ټاکنې جمعه د جولای پر ۵مه، سهار ۸:۰۰ بجې د سعید جلیلي او مسعود پزشکیان ترمنځ په سیالۍ سره پېل شوې.
د ایران مشر ایتالله علي خامنهيي هم د دویم ځل لپاره خپله رایه وکاروله او په دغه پړاو ټاکنو کې یې پر ګډون ټینګار وکړ.
د رایې د ورکړې بهیر به ۱۸ ساعته دوام ولري او د تمدید اړتیا په صورت کې د رایو بیا شمېرنه به پېلږي.
په شاوخوا ۵۹ زره مرکزونو کې به رایهاچونه وشي او د ایراني رسنیو د راپورونو پر بنسټ، په ټول ایران کې د دې ټاکنو په اجرائیوي او څارونکو کمېټو کې له ۸۰۰ زره زیات کسان فعال دي.
د يادونې ده چې که په دې پړاو کې يو نوماند ان یوه زیاته رایه ترلاسه کړي، د ټاکنو ګټونکی اعلانېږي.
د دغه هېواد د ولسمشریزو ټاکنو لومړی پړاو د تېرې اوونۍ د جمعې ورځ ترسره شو چې په پایله کې یې هېڅ نوماند ټاکلې رایې ترلاسه نه کړې او په پای کې ټاکنې دویم پړاو ته لاړې.
