۸صبح، بدخشان: په بدخشان کې ځايي سرچینې وايي چې طالبانو د دغه ولایت په ارګو ولسوالۍ کې دوه کسان له مقاومت جبهې سره د همکارۍ په تور نیولي دي.
سرچینو یکشنبه د وږي پر ۲۲مه ۸صبح ورځپاڼې ته وویل چې د کرامتالله په نوم د مخکېني حکومت یو قوماندان له خپل باډیګارډ سره چې یارمحمد نومېږي، د ارګو ولسوالۍ په «بوینيقره» کلي کې نیول شوي دي.
د سرچینو په خبره، طالبان او د دغې ولسوالۍ د امنیې قوماندانۍ استخبارات د دغه پخواني نظامي د نیولو لپاره د هغه کور ته ورغلي و.
ویل کېږي چې کرامتالله له یوې لنډې نښتې وروسته نیول شوی او د نښتې پر مهال ټپي شوی هم دی.
ویل کېږي چې کرامتالله او یارمحمد په بدخشان کې د طالبانو استخباراتو ته سپارل شوي دي.
دا په داسې حال کې ده چې د مقاومت جبهې په ګډون د طالبانو ضد وسلهوالو ډلو په بدخشان کې خپل بریدونه زیات کړې دي.
