۸صبح، کابل: د طالبانو تر ادارې لاندې د ستندرد ملي اداره وایي، ۲۴ ټانکره تېل چې د دغه بنسټ له خوا کمکیفیته تشخیص شوي بېرته یې ایران ته ورګرځولي دي.
د طالبانو د ستندرد ملي اداره جمعه د سلواغې پر ۱۴ په اسلام کلا پوله کې د ایران د وارداتي تېلو د بېرته ګرځولو خبر ورکړی دی.
دغې ادارې ویلي، چې د ایران وارداتي تېلو د لابراتواري ازمېښت په پایله کې ټیټ کیفیت وښود.
په همدې حال کې طالبانو خبرداری ورکړی، چې واردوونکو ته د کمکیفیته تېلو د واردولو اجازه نه ورکوي.
دا درېیم ځل دی، چې طالبان کمکیفیته تېل ایران ته بېرته ګرځوي. له دې مخکې یې هم کابو ۲۰۰ ټانکره کمکیفیته تېل دغه هېواد ته ورګرځولي وو.