په سپین بولدک کې د طالبانو او پاکستاني پوځیانو ترمنځ یو ځل بیا نښته شوې
۸صبح، کابل: په کندهار کې ځایی سرچینې په سپین بولدک کې د طالبانو او پاکستانی پوځیانو ترمنځ د جګړې د پیلېدو خبر ورکوي.
د سرچينو په وينا، دغه نښته د پنجشنبې په ورځ د لېندۍ پر ٢٤مه د کندهار ولايت د سپين بولدک ولسوالۍ په شيرو اوبه سيمه کې پيل شوې ده.
سرچینې وايي، د طالبانو او پاکستاني پوځیانو ترمنځ جګړه تر هغې وروسته پیل شوه، چې طالبانو غوښتل په دې سیمه کې پوسته جوړه کړي. خو پاکستاني پوځيانو د دې کار مخه ونیوله.
تر اوسه د دې جګړې د مرګ ژوبلې په اړه معلومات نشته.
تر دې وړاندې هم په سپین بولدک کې د طالبانو او پاکستاني پوځیانو ترمنځ جګړه کې تر لسو زیات ملکي وګړي وژل شوي وو.
